Jangjawokan dalam Bahasa Sunda

Jangjawokan téh nyaéta mantra anu dipapatkeun upama arék ngamimitian hiji pagawéan, pikeun ménta kasalametan, hasil pamaksudan, jsb.

JANGJAWOKAN PARANTI DIMINYAK
Minyak aing minyak watu
dipidu di sihung maung
diocék di panonpoé
sekartaji suru gajah
nya gajah tunggal
katawu wus kabeubeur wus
kabeungkeut atina Si Anu
atawa atina wong sajagat kabéh (Tina Pangajaran Sastra Sunda, 1997: 22).

JANGJAWOKAN PARANTI LINTAR ATAWA NGUSEUP
Aki Rékrék Turaya
aing nya pangkonan sia
bayu mas nu lénggang putih
batu emas nu lénggang hérang
bumi meneng bayu meneng
ku sangkilat ku moncorong
ratna putih sang ibuh putih
undur ku sangkilat sakti
nya isun sang demit jati (Tina Pangajaran Sastra Sunda, 1997: 22).

Tamsyah spk., Budi Rahayu, Drs. 1997. Pangajaran Sastra Sunda. Bandung: Pustaka Setia.
----(1999). Kamus Istilah Tata Basa Jeung Sastra Sunda. Bandung: Pustaka Setia.

Jatinangor, 07 Méi 2013
Rizki Sanjaya (Mahasiswa UNPAD, Fakultas Ilmu Budaya, Sastra Sunda 2012)