Asihan dalam Bahasa Sunda

Asihan nyaéta mantra anu dipapatkeun kalawan maksud sangkan nu séjén mikaasih ka diri nu mapatkeunana; jampé supaya dipikabogoh. Asihan disebut ogé pélét.

ASIHAN ROSUL
Ya Alloh ya badan
Ya nyawa ya Rasululloh
nur putih nu misésa
roh putih madep sira
maring ingsun
ya ingsun ratu agung purbawisésa
pangandikaning Alloh
sumujud sira maring ingsun
ya ingsun kang misésa
ket puket atina si Anu
maring ingsun
ya ingsun pangéran nira
teka welas teka asih
asih ka awaking
awaking ratu asihan

ASIHAN SI BURUNG PUNDUNG
Nu cunduk bayu si Anu
nu datang atmana si Éta
reujeung satineung jeung aing
mangka datang jeung ragana
mangka cunduk jeung bayuna
mangka naranya jeung satineung
mangka tunggal atmana
iya rasa nira
iya rasa nisun
saking purbaning Pangéran
asih ka awaking
nu bogoh paboro-boro
nu hayang paheula-heula
nu beuki pagiling-giling
nya bayu pagulung-gulung
nya atma paheula-heula
mangka reujeung satineung
da tungkul geusan jeung sukma
mangka lebur pucus rempag bayahna
mangka rugrug sagala
mangka asih ka awaking
da urang reujeung sarasa
da urang reujeung satineung
da urang reujeung sabayu
iya iku asihan sang pudet
asihan remek salir

Tamsyah spk., Budi Rahayu, Drs. 1997. Pangajaran Sastra Sunda. Bandung: Pustaka Setia.
----(1999). Kamus Istilah Tata Basa Jeung Sastra Sunda. Bandung: Pustaka Setia.

Jatinangor, 07 Méi 2013
Rizki Sanjaya (Mahasiswa UNPAD, Fakultas Ilmu Budaya, Sastra Sunda 2012)