Alam Dunya
kaéndahan ieu teu haratis
dibayarna ku tanggel waler
urang nu jadi panata calagarana
urang nu nangtukeun kumaha tungtungna
Jatinangor, 2014
Bajing
lulumpatan
luluncatan
tina hiji tangkal
ka tangkal lain
nyokotan banda batur
dibagikeun
dipuji
nalika tanggah
tijalikeuh
paéh
euweuh nu muji
Bandung, 2015
Hiji Mangsa
*jeung pidibaiq
ayeuna hirup geus masing-masing,
teu kudu mikirkeun jalma di gigireun.
lamun urang cicing waé teu kabéré,
mun teu kabéré mendingan cicing waé.
Jatinangor, 2015
Hiji Ogé Maung
sakali maung, maung satuluyna
dék aya sabaraha maung gé di Bandung
haté mah angger ka Maung Bandung
Bandung, 2012
Hujan 1
euweuh, careurik.
aya, careurik.
enya, popoéan can diarangkatan deuih!
Bandung, 2012
Hujan 2
der turun paudag-udag jeung baladna.
pék tah.
titeuleum!
Bandung, 2012
Imah Pangumbaraan
di ieu imah: urang diajar
di imah ieu: urang diajar
lain ngan di ieu imah
Jatinangor, 2014
Lalakon Kuring
hirup mah kudu dijieun babari
tapi angger kudu boga taki-taki
sakali metu kudu jadi
meunang widi, tangtu moal jalir jangji
siga gula jeung kopi
najan béda, bisa ngahiji ku cai
siga kuring jeung salira
mun ngahiji, moal weléh silih jagi
Jatinangor, 2014
Kajadian
basa nu kawasa bisa maréntah
loba jalma ngan saukur nunutur paréntah: urang?
palias teuing
Jatinangor, 2015
Ngadu Jajatén
popolotot
poporongos
silih dengkék
silih sebrét
nalika hudang
paéh
kasilih ku junti
Bandung, 2015
Ngadongéngkeun Kahayang
hiji gurat nu teu kaharti
mawa implengan nu dipihayang
lir ibarat Adam jeung Hawa
diturunkeun ka leuweung geledegan
lir ibarat patlot jeung keretas
kudu nunutur kumaha kahayang urang
Jatinangor, 2015
Pamass Moro Bueuk
ku ieu cara, urang manggih jalan
ku ieu cara, urang nambah babaturan
ku ieu cara, arurang bisa babarengan
najan salah,
aya mangsana urang eureun.
Jatinangor, 2014
3
Pasrah
titinggal karuhun lain jang diruksak.
abong boga kawasa bisa ngabukbak sagala.
asa hirup dinuhun, paéh dirampés.
Jatinangor, 2014
Hurip Mahasiswa!
.
Jatinangor, 2013
Titilaras
aya mangsana urang di luhur,
aya mangsana urang di handap,
reup, lampu pareum.
Jatinangor, 2014
Tunggul Karahayuan
harita sagala ngeunah
basa kuring dititimang,
ayeuna kangeunah éta leungit
basa anjeun tilar dunya
Jatinangor, 2014
Élmu Sangsara
élmu nu ditéang
moal matak jadi daging
lamun
teu diamalkeun
Bandung, 2015
Seuneu
ieu carita
lain saucap-ucapna
lamun kuring hurung ngabebela
moal burung ngabukbak sagala
Bandung, 2015
Bandung
moal bohong
lamun kuring nyebut Bandung
puseur patamanan kiwari
Bandung, 2015
Adil
teu goréng
embung hadé:
sigar tengah
Bandung, 2015
Keur Ijroil 1
kuring teu sieun
ka manéh
lamun enya sieun
angger
teu ngaruh keur rahayat
Bandung, 2015
Keur Ijroil 2
salian manéh
saha deui nu bisa
maténi urang
pajabat nu korupsi
Bandung, 2015
Lindeuk Japati
anjeun
lindeuk japati
matak handeueul
lamun teu dipiistri
Bandung, 2015
Tungtung Dunya
sora manuk remen ngahariring
saacan astana dileyek.
gunung-gunung mangrupa gedong
saenggeus dipugaran.
ka mana urang balik?
Bandung, 2015
Ngabeungeut Dua
unggut-unggutan
di hareupeun batur
tukangeun mah
ngabudi ucing
Jatinangor, 2015
Introspéksi
mikiran eusi beuteung wungkul mah moal aya tungtungna
sarua jeung mikiran nagara, bari teu boga kawasa
alhamdulillah
alhamdulillah
Bandung, 2015