Fiksimini: Berkah Romdon

Fikmin # Berkah Romdon #
ku Rizki Sanjaya

 

Balik sakola si Oméd kacida laparna, “Ah, dék godin waé uing mah!” jero pikirna.

Teu lila mikir, si Oméd buburu néang tukang kupat pangdeukeutna, ngahaja néang nu aya hordéngan da embung kapanggih ku sasaha.

Barang gék diuk, langsung ngarérét ka gigireunana “Alah, Bapa badé naon ka dieu? Béjakeun geura ka Ema!”.

“Alah, ulah atuh, Méd! Apan Oméd gé apal tadi di rorompok teu saur da kabeurangan. Ari Oméd rék naon ka dieu?” ceuk Bapana.

“Naon da abdi mah ngiring ka cai hungkul!” waler Oméd.

“Atos atuh, kieu wé ayeuna mah...”

Barang kaluar, si Oméd sura-seuri sorangan bari nyakuan duit beureum salambar. “Berkah Romdon. Alhamdulillah”

Bandung, 27 Juli 2013.